Mae'r Gronfa Datblygu Eiddo yn darparu cymorth ariannol i ddatblygu adeiladau diwydiannol a masnachol, sy’n adeiladau parod i’w llogi, ar safleoedd cyflogaeth strategol yn Sir Gaerfyrddin, Dinas a Sir Abertawe, Cyngor Bwrdeistref Sirol Castell-nedd Port Talbot a Sir Benfro. Nod y Gronfa yw datblygu, yn y rhanbarth adeiladau masnachol o safon uchel, sy'n bodloni safon 'Rhagoriaeth BREEAM’. Gall y Gronfa ddarparu hyd at 50% o gostau datblygu safle.

Cafwyd cyllid ar gyfer y cynllun hwn o Gronfa Datblygu Rhanbarthol Cymru drwy'r rhaglen Cydgyfeirio. Rhoddir blaenoriaeth i geisiadau a fydd yn dod â manteision gwirioneddol i'r economi lleol o ran nifer ac ansawdd y swyddi y darperir lle ar eu cyfer, yr arwynebedd llawr a gaiff ei greu, faint o dir a ddatblygir, nifer y Mentrau Bach a Chanolig eu Maint y darperir lle ar eu cyfer a nifer y mentrau a fydd yn mabwysiadu neu'n gwella eu strategaethau cydraddoldeb a'u systemau monitro.  

Pwy sy'n gymwys?
Bwriedir i hon fod yn Gronfa ar gyfer datblygwyr hapfasnachol, buddsoddwyr a pherchenogion tir eraill sy'n dymuno datblygu adeiladau masnachol newydd i'w defnyddio gan sectorau busnes penodol megis gweithgynhyrchu, prosesu bwyd eilaidd a gweithgaredd rhwng busnesau.

Mae’r rhaglen yn benodol ar gyfer datblygiadau hapfasnachol. Dylai perchen-feddianwyr sy'n dymuno adeiladu safleoedd newydd neu helaethu eu safleoedd, gysylltu â Chymorth Hyblyg i Fusnes (FS4B), drwy ffonio 03000 603000 neu fynd i www.cymorth-busnes-cymru.gov.uk, i gael mynediad i'r Gronfa Fuddsoddi Sengl.

Beth y gellir ei gyllido?
Dim ond cyllido prosiectau na fyddai'n mynd rhagddynt fel arall heb y cyllid fydd y Gronfa. Gall y Gronfa Datblygu Eiddo (PDF) gyllido canran o’r costau sydd ynghlwm wrth gaffael tir, dymchwel, adennill, paratoi safle, seilwaith ac adeiladu, a chyfran o ffïoedd proffesiynol. Mae'r cyllid ar gael i bontio’r bwlch ariannol rhwng y costau adeiladu a'r hyn fyddai'r eiddo ei werth ar y farchnad ar ôl iddo gael ei gwblhau.

Ardaloedd Cymwys

Sir Gaerfyrddin
•   Cross Hands
•   Capel Hendre
•   Llanelli (yr anheddiad, gan gynnwys Llangennech, ac eithrio canol tref Llanelli)
•   Rhydaman 
•   Caerfyrddin

Castell-nedd Port Talbot
•   Bae Baglan 
•   Dociau Port Talbot
•   Glan-rhyd
•   Castell-nedd (yr anheddiad ac eithrio canol y dref)
•   Parc Busnes a Hamdden Rheola
•   Pentref Trefol Coed D'arcy  
•   Ffordd Fabian

Sir Benfro
•   Parc Busnes y Llwyn Helyg
•   Parc Busnes Pont Cleddau   
•   Dyfrffyrdd Aberdaugleddau
•   Abergwaun/Wdig
•   Trecŵn
Sylwch mai dim ond tan o leiaf mis Medi 2010 y bydd Cyngor Sir Penfro yn gwahodd ceisiadau ynghylch safle strategol y Llwyn Helyg.

Abertawe
•   Abertawe
•   Ffordd Fabian
•   Felindre
•   SA1 (Glannau Abertawe)
•   Parc Busnes Gorllewin Abertawe   
•   Pen Isaf Cwm Tawe sef Bro Abertawe a'r Morfa a choridor afon Tawe

Sut y gallaf wneud cais?

I gael rhagor o fanylion a chopi o Becyn Cymorth y Gronfa Datblygu Eiddo a Ffurflen Gais Cam 1, cysylltwch ag;

Alwyn Thomas neu Barry Hale
Swyddogion Prosiect Adfywio Ffisegol
Canolfan Adnoddau Busnes
Parc Amanwy
Ffordd Newydd
Rhydaman
Sir Gaerfyrddin
SA18 3EP

Rhif ffôn: 01269 590208 / 590276

e-bost : aljthomas@sirgar.gov.uk / bhale@sirgar.gov.uk