Cymunedau yn Gyntaf

Cymunedau yn Gyntaf yn Sir Gaerfyrddin

O 1 Chwefror 2013, bydd Cymunedau yn Gyntaf yn rhaglen sy’n canolbwyntio ar y gymuned a fydd yn cefnogi Agenda Gwrth-dlodi Llywodraeth Cymru. Bydd yn cynorthwyo’r bobl fwyaf difreintiedig yn yr ardaloedd mwyaf difreintiedig, gyda’r nod o gyfrannu at leddfu tlodi parhaus. Nod y rhaglen fydd cyfrannu, law yn llaw â rhaglenni eraill, i leihau’r bwlch ym meysydd addysg, sgiliau ac iechyd a’r bwlch economaidd rhwng ein hardaloedd mwyaf difreintiedig a’r rhai mwy cefnog.

Bydd y rhaglen yn gwneud hyn trwy:

Cefnogi unigolion, teuluoedd a grwpiau o bobl sydd â'r deilliannau gwaelaf o ran addysg, sgiliau ac iechyd a deilliannau economaidd yn enwedig mewn mannau lle mae’r amddifadedd mwyaf;
Cynyddu sgiliau bywyd unigolion, eu hunan-barch a'u hunanddibyniaeth, gan gynnwys eu gallu ariannol;
Cefnogi a chryfhau gweithgareddau lleol sy'n gwneud y cyfraniad mwyaf o ran mynd i'r afael â thlodi ac amddifadedd, gyda mudiadau cymunedol a'r cymunedau eu hunain yn bartneriaid allweddol.

Bydd Fframwaith Gweledigaeth Cymunedau yn Gyntaf yn darparu mewn 3 maes

Cymunedau Ffyniannus (Economaidd)
Cymunedau Dysgu (Addysg a Sgiliau, yn enwedig trwy gyflogadwyedd)
Cymunedau Iachach (Iechyd)

Adain Datblygu Cymunedol Cyngor Sir Caerfyrddin sy'n rheoli'r Rhaglen Cymunedau yn Gyntaf yn Sir Gaerfyrddin.
Bydd y rhaglen yn cael ei darparu ar sail ddaearyddol mewn un ardal clwstwr. Nodir yn y rhestr isod y lleoedd a'r Ardaloedd Cynnyrch Ehangach Is (LSOAs) yn y clwstwr.